قازاقستان رەسپۋبليكاسى ۇكىمەتىنىڭ قاۋلىسى  №94

2015 جىلعى 26 اقپان, استانا, ۇكىمەت ءۇيى مەديتسينالىق جانە فارماتسەۆتيكالىق قىزمەتتى ليتسەنزيالاۋدىڭ كەيبىر ماسەلەلەرى تۋرالى «رۇقساتتار جانە حابارلامالار تۋرالى» 2014 جىلعى 16 مامىرداعى قازاقستان رەسپۋبليكاسى زاڭىنىڭ 10-بابىنىڭ 2) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. مىنالار: 1) وبلىستاردىڭ, رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگاندارى مەديتسينالىق جانە فارماتسەۆتيكالىق قىزمەتتى جۇزەگە اسىرۋ بويىنشا ليتسەنزيار بولىپ; 2) قازاقستان رەسپۋبليكاسى ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ ءتيىستى اۋماقتاعى اۋماقتىق بولىمشەلەرى مەديتسينالىق جانە فارماتسەۆتيكالىق قىزمەتكە ليتسەنزيا بەرۋدى كەلىسۋدى جۇزەگە اسىراتىن ورگاندار بولىپ بەلگىلەنسىن. 2. «مەديتسينالىق جانە فارماتسەۆتيكالىق قىزمەتتى ليتسەنزيالاۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2013 جىلعى 31 قاڭتارداعى № 71 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., № 13, 242-قۇجات) مىناداي وزگەرىس ەنگىزىلسىن: 2-تارماق الىپ تاستالسىن. 3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.